RSS

صور من الذاكرة




مازال وجهه البرىء ولهجته السيناوية عالقان بذاكرتي .. يزوراني من حين الي آخر فلا أملك الا ان ابتسم واتذكر
 فى منتصف شهر يوليو الماضي .. بمستعمرة ياميت قرب رفح .. فوق أنقاض ماتبقى من فلل قيل ان كبار الشخصيات الاسرائيلية كانت تقطن بها .. وصلنا لنتفقد المكان  الذي كان يحوى على ارضه العديد من الفيلات المتقدمة معماريا ابان فترة الاحتلال  .. الاسرائيلي لسيناء .. فاسرائيل كانت تنوى عدم تسليم تلك المستعمرة لمصر ولكن بعد عقد اتفاقية السلام لم تتمكن من ذلك

ففى يوما ما كان يقطن موشى ديان .. مناحم بيجن .. شارون في هذا المكان .. ولكن عقب هزيمتهم عام 1973 وقبل رحيلهم من سيناء قام المستوطنون بتدمير كل مبانيهم وتركوا فقط معبدا يهوديا كان هو مقصدنا للزيارة .. ولكن حين وصولنا علمنا ان جماعة التكفير والهجرة قد دمرته حديثاً 

فوقفنا وامامنا مجموعة من حطام المباني والحجارة الكبيرة ، وخلفنا حقول الزيتون والخوخ المحفوفة باشجار الكزورينا العالية 

 لم يمر الا دقائق قليلة وظهر لنا طفل وشاب من اهل البلدة عرضوا علينا المساعدة لتعريفنا بالمكان .. وكان هذا كل ماتمنيناه .. فدار بينى وبين الطفل هذا الحوار القصير

هو : انتي مصراوية .. شكلك كده
أنا : ايوة انا مصراوية زيك 
هو: ايوة احنا بنقول عليكوا مصراوية 
أنا : طيب .. انا اسمي نهال وانت اسمك ايه ؟ 
هو: حمدان .. انتى عندك كام سنة ؟
أنا : انت عندك كام سنة ؟
هو : عندي 12 سنة 
أنا : أنا قدك مرتين عندي 24 سنة 
هو: يابييييه .. انتي شكلك 15 سنة !! وانتي مخطوبة ؟ 
أنا : لا 
 هو : ولا متجوزة ؟
أنا : لا برضو 
هو : كيف ده ؟؟!! انا لو كبير كنت خطبتك 
" انا : لم اجد ردا الا الضحك وكلمة " مايضرش 
واكملت .. قولى .. انت فرحان ان مرسي بقا الرئيس وكسب الانتخابات ولا كنت عايز شفيق يكسب ؟
هو: لا طبعا انا فرحان بمرسي وكل البلد هنا كانت عايزة مرسي اللي يكسب .. ماحدش هنا بيحب شفيق .. طبعا انتي من بتوع شفيق .. المصراوية كلهم كانوا عايزين شفيق يكسب 
أنا : لا انا زيك انتخبت مرسي وكنت عايزة مرسي يكسب 
هو: يابييية .. انتى شكلك من بتوع شفيق .. كيف ده ؟ انتى انتخبتي مرسي!؟
أنا: أيوة انتخبته .. ربنا يوفقه .. الناس اللى معايا دول بتوع شفيق _في اشارة لابن عمى وعمى - (الفلول
هو : صمت تلاه الكثيييير من كلمات الاطراء والمغازلة ايضا 
أنا وهو .. انتهى حوارنا 
.. وذهبت الي حدود رفح 
 ترى هل يمكن للوجوه ان تلتقي مرة اخرى ؟




أطلال المستعمرة



المعبد اليهودى المدمر 










صور مستعمرة ياميت قديما 
















 
blog customized by アハマド